عـــاجـــل
جريمة بشعة في حق البراءة
بواسطة✍️ جميلة غاطس
حسبي الله ونعم الوكيل… جريمة كتخلع وكتوجع القلب.
هاد الطفلة المسكينة من مدينة ميدلت كانت مختفية، و بارح لقاوها في حالة صادمة ما يقدر حتى واحد يتخيلها… جريمة وحشية كتبين أن اللي دارها ما عندو لا ضمير لا إنسانية.
الله ياخذ الحق فهاد المجرم اللي حرم طفلة من الأمان والرحمة. هاد الشي كيخلينا كاملين خاصنا نفيقو ونردو البال أكثر من أي وقت.
حضيو ولادكم وبناتكم وخوتكم، ما تخليوش حتى واحد بوحدو، وردو البال مزيان.
الله يحفظ أولاد المسلمين كاملين وينتقم من كل ظالم.
واش معقول كل نهار المواطن يعيش فالرعب والخوف على وليداتو؟ حنا الحمد لله فبلاد الأمن والأمان، ولكن خاص تدخل سريع وحازم لإيقاف هاد العصابات الإجرامية ديال قطاع الطرق اللي كيخطفو الأطفال وكيعتدو عليهم بوحشية.
المغاربة كاملين كيطالبو بالعدالة والقبض على المجرمين باش ما يتعاودش هاد الرعب مرة أخرى حمد الله عندنا ثقة في الأمن و رجال درك الملكي باش يشدو هاد المجرم أو مجرمين لي دارو هاد الفعلة الله يخد فيهم الحق .
إرسال تعليق