نصيحة هامة لمن يفكر في تمزيق جذوره بالزواج المختلط…..
بواسطة ✍🏻 جميلة غاطس
سلبيات الزواج المختلط
يعني اللي بين جنسيات أو ثقافات مختلفة، كاينين وخاصك تعرفهم قبل ما تدخل فيه:
1. المشاكل ديال الثقافة والعادات
الأعياد والمناسبات نتا باغي تعيّد العيد الكبير وهو ما كيعرفوش أصلاً، أو العكس فالكريسماس.
– تربية الدراري واش غادي يترباو على طريقتنا ولا طريقتهم؟ الحجاب، الصلاة، اللغة، الأكل الحلال… كلشي كيولي نقاش.
العقلية حنا فالمغرب العائلة كتدخل فكلشي، برّا كاين “الخصوصية”. هادشي كيدير صدام.
2. المشاكل مع العائلة والمجتمع
-هضرة الناس “داها غير على الوراق”، “جابتو غير على الفلوس”. المجتمع ديالنا كيهضر بزاف.
رفض الأهل بزاف ديال الواليدين ما كيتقبلوش الفكرة، وكتولي مقطوع من شجرة.
3. المشاكل القانونية والإدارية
الوراق الجرية فالقنصليات، ترجمة، مصادقة، شهادة العزوبة… صداع الراس.
الجنسية والإقامة إلا طلقتو، يقدر واحد فيكم يضيع حق الإقامة أو حضانة الدراري.
-الورث القوانين مختلفة. فالمغرب الورث بالشريعة، برّا ماشي ضروري.
4. مشكل اللغة والتواصل
– إلا ما كتهضروش نفس اللغة مزيان، غادي تطيحو فسوء تفاهم على أتفه الأسباب.
– المزاح والتعابير ما كيتفهموش بنفس الطريقة، وكتولي كل كلمة بمشكل.
5 البعد على بلادك
الحنين غادي توحش داركم، الماكلة، الأجواء. الغربة صعيبة.
-إلا وقع مشكل راك بوحدك، ما عندكش ظهر تتكى عليه تماك.
الدراري غادي يكبرو بعاد على جدودهم وولاد عمهم، والهوية ديالهم كتكون مشوشة.
6 الطلاق أصعب بزاف
القوانين كل بلاد وقانونها. شكون غادي ياخد الدراري؟ فين غادي يدوز الحكم؟
– *المصاريف المحامية دوليين، الترجمة، السفر… كيكلف فلوس صحيحة
إرسال تعليق